jueves, mayo 18, 2006

Xa teñen a Champions


Xa teñen a champions, só coa diferenza dun punto e grazas a xogadas como a do xogador Bendeta, conseguiron a Copa, ante un Arsenal que nada puido facer. Onte o fútbol club Barcelona, gañabaa o Arsenal no estadio de París, ante moitísimos afeccionados, que se desprazaron ata alí coa única idea de ver xogar ao seu equipo e, este, non defraudou, gañou cunha victoria de 2-1. Esta xa é a súa segunda copa e esperemos que non sexa a última, non vós parece?

martes, mayo 16, 2006

Fernando Alonso Invencible!!!!!!!

O pasado domingo, Fernando Alonso corría en Cataluña, máis concretamente no circuito de Monmelo;, este,conseguiu aquí a súa terceira vitoria desta temporada, destacando como o bo piloto que é. E, como non, destacando entre todos os demais pilotos, incluído o mítico Michael Schumacher, que non tivo o ritmo suficiente para estar cerca de Alonso,quen saiu dende a pole co seu compañeiro Fisichella detrás e, no terceiro posto o piloto Alemán. A saída foi decisiva e axudou moito a Alonso que dende aquela non deixou oportunidade a que algún piloto o puidera alcanzar por moito que o intentase, con tempos incribles, Alonso, non defraudou a afección que se trasladara ata Cataluña a velo.Xa temos Campión do mundo e por moito tempo.

A ONDE IMOS A PARAR?


Por que tanta violencia?A onde imos a parar con esta sociedade de hoxe en día?Moitas veces pregúntome como somos tan capaces de usar a violencia para todos os ámbitos da nosa vida.Acábase de celebrar un partido ou algo, facemos festa pero sempre a de acabar con algún altercado, que se hai algún mendigo e o que se fai é atacalo e non deixalo tranquilo. Sinceramente non sei a onde imos a parar e como vai a acabar esta nova sociedade que nós mesmos estamos creando.Só digo esto para que nos paremos a pensar un pouco sobre o que podemos facer para acabar con isto xa.

DÍA DAS LETRAS GALEGAS



O 17 de Maio clébrase o Día das Letras Galegas e nós convidámosvos a que o celebredes con gran alegría, posto que é un día non só para recordar aos autores máis importantes da nosa historia, senón que tamén é para recordar que temos unha gran lingua e que non a podemos perder.Fálaa porque somos GALEGOS!!!!!!!

viernes, mayo 12, 2006

Un Recibimento Incrible


Como seguro que xa saberedes, o día 9 deste mesmo mes, xogouse a final da copa da UEFA e, sen dúbida, estou segura de que sabedes o resultado, pero por se as moscas, vouvolo recordar, xogaban o Boro (equipo íngles) e o Sevilla e, como non, foi este último o que gañou cunha goleada histórica, nada máis nin nada menos ca un resultado de 4-0 a favor do Sevilla. Este levouse ás súas vitrinas o seu primeiro título europeo, cun fútbol que deixou ensimesmada a toda Europa. Todo o equipo foi recibido onte en Andalucia con grande espectacularidade, o nunca visto, as rúas de toda Andalucia, vestíanse de vermello e branco para recibir aos xogadores, que nada máis baixarse do avión montaron no autobús descapotable.Este título, non será fácil de olvidar, e menos para todos os afeccionados sevillistas.NORABOA!!!!!!!!!!

domingo, mayo 07, 2006

COMPOSICIÓN DALGUNHAS DROGAS


Droga procede da palabra grega “Pharmakon”. É unha substancia que comprende á vez o remedio e o veleno;nin unha cousa nin a outra, senón as dúas á vez.

Pero quizais máis decisivo sexa ter presente que o feito de ser nociva ou benéfica depende exclusivamente en cada caso determinado de: dose, ocasión para a que se emprega, pureza, condicións de acceso a ese produto e pautas culturais de uso.

Agora imos falar da composición de algunhas drogas das máis coñecidas.

Éxtase: tamén chamado MDMA.O seu ancestro vexetal son aceites volátiles contidos na noz moscada e nas sementes do cálamo, azafrán, perexil, eneldo e vainilla.O procedemento máis sinxelo para obter MDMA é tratar safrol(ingrediente do aceite de sasafrás)con amoníaco en forma gasosa.

Marihuana:está formada por un principio psicoactivo chamado tetrahidrocannabinol ou THC. Derivado do cannabis igual que o haxís.

Haxís: elabórase a partir da resina almacenada nas flores da planta femia do cannabis prensada ata formar unha pasta compacta e de cor marrón. A súa concentración de THC é superior á da marihuana polo que a súa toxicidade potencial é maior.

Cocaína:está feita das follas da coca, sometidas a diversos procesos de elaboración química que dan lugar a distintos derivados como clorhidrato de cocaína ,que é a principal forma de consumo en Europa ou sulfato de cocaína que se fuma mesturada co tabaco ou marihuana.

Crack:está feita das follas da coca que pasa por un proceso químico, e é a chamada cocaína base, fúmase mesturada co tabaco.

Anfetaminas:son a mestura das drogas de síntese(éxtase, EVA, píldora do amor...)

Alucinóxenos:a maioría das drogas desta familia proceden dos fungos cultivados en países africanos ou latinoamericanos,como é o caso do ” Pellote mexicano” ,do que se extrae a mezcalina.

LSD:coñecido no argot da rúa como ácido ou tripa, do inglés trip:viaxe

Heroína:.coñecida como cabalo, elabórase do opio.

Alcohol:as bebidas alcohólicas pódense clasificar basicamente en función do seu proceso de elaboración:

Bebidas fermentadas: proceden da fermentación dos azucres contidos en diferentes froitas(uvas,mazás...etc). Son características deste grupo a cervexa.e o viño.

Bebidas destiladas:resultan da depuración de bebidas fermentadas para obter maiores concentracións de alcohol.

Tabaco: a forma máis estendida do tabaco é o cigarro, en cuxo fume identificáronse ó redor de 4000 compoñentes tóxicos, dentro dos cales os máis importantes son:a nicotina, alcatráns, irritantes e monóxido de carbono.

sábado, mayo 06, 2006

A mellor do mundo

Non é sen dúbida a nosa nai a mellor do mundo? Claro está que non nos temos que olvidar do noso pai,pero se hoxe escribo esta entrada á para falar delas, de todas as nais do mundo,as que nos coidan, que quérennos, que nosprotexen, quen os miman...por iso que mellor día para darlle as grazas que o Día da Nai? Demostrádelle todo o que a queredes,seguro que é moito.

Os Educadores

Hoxe queríavos recomendar un filme que está moi ben, titúlase os educadores, e trata dun grupo de xóvenes que intentan por medio de determinadas accións remediar o desequilibro económico do mundo,estes entrañaran unha complicada aventura na que primará sobre todo a amizade entre eles.Recoméndovos que a vexades e xa me contaredes se vos gustou ou non, anque espero que si que vos guste, bikiños e ata pronto.

jueves, abril 27, 2006

A Navalla (escrito por Lydia Vázquez)


Cando eu vos era xoven para loitar co lobo, ou co porco bravo, ou para unha liortada nunha romaría, non había cousa mellor cá navalla.Porque, nalgún tempo non había revolveres, nin pistolas como vos hai agora. E aínda que digo isto…eu, tívena sempre; ou mellor dito, tiven tres ou catro: a pistola de nove tiros, que aínda hoxe conservo na casa, a de seis, e máis o revólver de doce, con cachas de nácara. Ademais tiven tamén un “cachorrillo” pequeno, que non arrombaba tanto coma unha caixa de mistos, é que podía meter doadamente nun peto do chaleco.
Antes, os mozos do meu tempo, leábanse con mocas de Carballo, ou de freixo, enqueiradas no forno de cocer o pan.Tamén loitaban con coitelos, e máis con fungueiros,e cuns sachiños de dous gallos, moi xeitosos, feitos no ferreiro, que se mangaban de varas grosas e ben dereitas de xesta pudia, e mellor aínda, de castiñeiro de pé.
O que apañaba na cabeza un sachoazo ben dado, escusaba agardar polo segundo, e xa podía pedir a extremaunción. Un sacho de dous gallos, de boa tempra, e ben mangado, era unha gran cousa para brincar nunha gabia, ou nun regato, e ao mesmo para, tentar o camiño nas noites escuras, ou para botar ao peitoril dunha fiestra é agatuñar despois polo mango encresto para entrar no cuarto dunha moza e ir botar a noite con ela. Eu, tiven un que relucía coma se fora de prata.
Agora que por iso…a navalla, para quen a saiba empregar ben, é a mellor defensa que pode ter un home.Porque a navalla évos un vaite para aló, e máis un vente para acó” porque o chuzo que ten no remate da punta de enriba, val para arrecadalo cando conveña.
O día que estreei a miña, foi un primeiro de Santos. Lémbrome coma se fora neste mesmo momento.
Eu… ben sabe Deus que non quería lío, para cando o vin vir de cara a min, un veciño meu todo cuberto de sangue, e sen folgo, e lle sentín dicir cunha voz que cortaba a calquera.

¡ Ai, Manuel, aí están os de Ezkerro, mallando en nós coma en centeo verde. Teu irmán Antonio tamén esta aló… ¡Se non vés decontado a botar unha man, non queda hoxe penadura que o poida contar!

¡Vaia se botei unha man!. Os do meu tempo, que aínda viven na parroquia, poden testemuñalo. Foi unha cousa non vista ata aquel día. Pero… ¡que volo conten eles, pois se o fago eu, coidaredes que o digo por me gabar!
Cando se rematou aquela estacada, e cheguei á casa, era xa noite pecha. Eu quixen entrar na cociña, sen que me sentiran, para agachar a navalla debaixo da artesa; pero meu pai, que no ceo estea, percatouse de seguida do que me propoñía a facer, e dixo, ollando para min, de fito en fito, e poñéndome unha cara que me fixo tremer de pés a cabeza.

¡¡¡Manuel ti fixeches algo!!!.

Non señor, non fixen nada respondinlle, sen erguer os ollos da terra; porque eu a meu pai sempre lle tiven moito respecto.

¡ Non mintas Manuel. Fixeches tal volveu a dicir meu pai, traspasándome coa mirada. Ti mataches un home, cóntame a verdade.

Conteilla toda, respondinlle mirando para a parede.

Non, eu, non matei un home, matei tres.

Xa o sabía, dixo el botando unha risada; pero tamén sei que foi por defender aos amigos, e máis para salvar aos veciños. E sendo así, ben mortos están…Non teñas medo, que no cárcere non has de poñer os pés. O xuíz e máis o médico xa están mercados. Custar… custoume dous mil reás, pero… os cartos son para gastar cando chegan as ocasións.Agora cea, e vaite deitar.

Ao subir pola escaleira do salón, sentinlle rosmar polo baixo. ¡ Es do meu sangue, carallo ! Non o podes negar!.

miércoles, abril 12, 2006

AS NOVAS ACTIVIDADES CULTURAIS DO CONCELLO

Ola a todas/os!!!!Gustaríanos falarvos dunha nova actividade cultural que se está a desenvolver no concello de Arzúa.Esta actividade consiste en que ti tes que escribir a palabra que a ti che pareza máis fermosa da nosa lingua,explicar o porqué, e logo botala a un buzón que se encontra no concello,xunto cos teus datos persoais. Na nosa opinión,cremos que esta actividade está moi ben porque nos axuda a coñecer mellor á nosa lingua. Cremos que este tipo de actividades se deberían facer máis veces e en máis concellos.